+7 (777) 001 44 99
Қазақша
Русский
English
16 қараша 2022 | 13:02
Астанада мәнерлеп сырғанаудан ашық чемпионат басталды
Астанада мәнерлеп сырғанаудан ASTANA OPEN қалалық ашық чемпионаты өтіп жатыр. Айтулы додаға Алматы мен Астана қалаларынан өзге алты өңірден келген 245 спортшы қатысып жатыр, - деп хабарлайды Tengrinews.kz тілшісі елорда әкімдігіне сілтеме жасап.
ПОДЕЛИТЬСЯ
Астанада мәнерлеп сырғанаудан ASTANA OPEN қалалық ашық чемпионаты өтіп жатыр. Айтулы додаға Алматы мен Астана қалаларынан өзге алты өңірден келген 245 спортшы қатысып жатыр, - деп хабарлайды Tengrinews.kz тілшісі елорда әкімдігіне сілтеме жасап.
"Астанада соңғы жылдары шорт-трек, мәнерлеп сырғанау, хоккей секілді спорт түрлері жақсы дамып келеді. Аталмыш чемпионаттың елордада өтуі, Астаналық спортшылар үшін үлкен нәтиже. Екінші жыл қатарынан өткізіліп отырған қалалық ашық чемпионатқа өзге де қалардан келіп қатысуда. Үш күнге созылатын жарыс қысқа және еркін бағдарлама бойынша өтіп жатыр. Бұл жарыста жұптық бәсеке жоқ. Бүгін "Алау" мұзайдыны сарайында мәнерлеп сырғанаудан "ASTANA OPEN" қалалық ашық чемпионатының алғашқы күнгі жеңімпаздары анықталды", - дейді қалалық денешынықтыру және спорт басқармасының баспасөз хатшысы Мадина Айтқалиева.
Ұйымдастырушылардың айтуынша, жеке разрядтағы жарыстар Халықаралық конькишілер одағының талаптарына сәйкес өтеді. Балалар мен жасөспірімдер, сондай-ақ спорт шебері мен спорт шеберіне үміткерлердің өнерін арнайы шақырылған халықаралық төрешілер бағалайды.
Бүгін жарыс алаңына спорт шеберлері мен спорт шеберіне үміткер ұл-қыздар шығады.
Чемпионат қорытындысы бойынша Қазақстан Республикасының жастар чемпионатына 24 ең мықты спортшыдан Астана қаласының құрама командасы жасақталады.
"Бұл жарыста біз ең мықты деген елордалық спортшылар арасынан 24 таңдаулы мәнерлеп сырғанаушыны Астана қаласының құрама командасына қабылдаймыз. Олар алдағы 20-24 қараша аралығында Өскемен қаласында өтетін мәнерлеп сырғанаудан ҚР жастар чемпионатында өнер көрсететін болады. Сондықтан республикалық аренада қаламызды лайықты танытатын мықты команданы таңдау біз үшін өте маңызды", - дейді Астана қаласының мәнерлеп сырғанау федерациясының президенті Эльмира Тұрғанова.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
