Азиада-2018: Қазақстан қоржынына оныншы күміс медаль түсті

Қазақстан Индонезияда өтіп жатқан 2018 жылғы Азия ойындарындағы оныншы күміс медалін жеңіп алды, - деп хабарлайды Тengrinews.kz тілшісі Vesti.kz порталына сілтеме жасап.

Бұл медальді ел қоржынына ескекшілер алып келді. Илья Голендов пен Андрей Ергучев бір шақырымдық жарыста Қытай өкілдерін ғана оздырып алды, олар 0,214 секунд алда келді. Үшінші келген - Өзбекстан спортшылары.

Бұл медаль Қазақстан үшін 53-нші. Осылайша, дәл қазір құраманың активінде 10 күміс, 9 алтын және 34 қола медаль бар. Медальдардың жалпы саны бойынша Қазақстан қазір 11-нші орында тұр.