Бахрейнде ММА-дан әлем біріншілігі: финалда қазақстандық екі қыз кездесті

Аралас жекпе-жектен (ММА) ересектер мен жастар арасында Бахрейн корольдігің Манама қаласында өтіп жатқан әлем біріншілігінде Талшын Жұматаева жеңімпаз атанды. 50 елдің ең мықты деген 500 спортшысы қатысып жатқан жарыста 20 жастағы спортшы финалда жерлесіміз Айжан Әбдіқадырды жеңді, - деп хабарлайды Vesti.kz.

Әлем чемпионатында қазақстандық спортшы 70.3 келі салмақта қарсыластарының бәрін тізе бүктірді.

Еске салайық, Талшын осы жылдың мамыр айында Тайландтың Бангкок қаласында өтен Азия чемпионатында топ жарған болатын.

"Спортқа бала күнімнен бері қызығамын. Оқу бітіргеннен кейін де спортта қалсам деген ойым бар. Осы спортқа деген қызығушылығым мықты қарсыластарға төтеп беріп, алға қарай жылжуыма мүмкіндік берді деп ойлаймын", - деді Талшын.