+7 (777) 001 44 99
Қазақша
Русский
English
29 қыркүйек 2021 | 18:08
Бақтияр Артаев боксшылардың Токиодағы сәтсіздігі үшін кешірім сұрады
Олимпиада чемпионы, бокстан мемлекеттік жаттықтырушы Бақтияр Артаев Қазақстан ҰОК Бас Ассамблеясында қанағаттанарлықсыз деп танылған боксшылардың 2020 жылғы ойындарындағы сәтсіздігі үшін кешірім сұрады, - деп хабарлайды Tengrinews.kz тілшісі. Vesti.kz сайтына сілтеме жасап.
ПОДЕЛИТЬСЯ
Олимпиада чемпионы, бокстан мемлекеттік жаттықтырушы Бақтияр Артаев Қазақстан ҰОК Бас Ассамблеясында қанағаттанарлықсыз деп танылған боксшылардың 2020 жылғы ойындарындағы сәтсіздігі үшін кешірім сұрады, - деп хабарлайды Tengrinews.kz тілшісі. Vesti.kz сайтына сілтеме жасап.
Ұлттық Олимпиада комитетінің бас хатшысы Андрей Крюков Токиода өткен жазғы олимпиада ойындарында қазақстандықтар табысты өнер көрсеткен спорт түрлері де бар екенін айтты. "Біздің команданың Токио Олимпиадасындағы өнерін табысы бойынша 4 топқа бөлуге болады. Каратэ, теннис, спорт гимнастикасы, ауыр атлетика бойынша табысты өнер көрсеттік. Садақ ату, байдарка есу, еркін күрес спортшыларының нәтижесі жақсы болды. Тасжолдағы велосипед спорты көрсеткішін нашарлатып алды. Бокс, грек-рим күресі, әйелдер жеңіл атлетикасы қанағаттанарлық нәтиже көрсетті. Бұл бағаның бәрі тиісті федерациялармен өткен кездесулер аясында беріліп отыр", - деді комитеттің бас хатшысы.
Артаев өз сөзінде жағдайды түзетуге уәде берді.
"Токио Олимпиадасы боксшылар үшін сәтсіз болды. Бұл үшін кешірім сұраймын. Бұрынғы жетістіктерге оралу үшін келесі ойындардың алдында барынша жұмыс жасаймыз. Боксты бұрынғы деңгейге көтеру үшін қолдан келгеннің бәрін жасаймыз", - деді 2004 жылғы ойын чемпионы.
Сондай-ақ, қазақстандық олимпиадалық делегацияның жас айырмашылықтары атап өтілді, салыстыру үшін Рио-де-Жанейро мен Токиоға барған командалар алынды.
"Біздің спортшылардың жасын айтқым келеді. Біздің команда Рио-мен салыстырғанда екі жылға қартайды. Бұл ұлттық құрамаларда сапалы резервпен толықтыру жүргізілмейтінін көрсетеді. Жас спортшылар чемпионаттарды ұлттық деңгейде жеңіп, Олимпиада ойындарына қатысуды жалғастырады. Мұнда резервті дайындаудың жеткіліксіз деңгейі туралы айтуға болады", - деп қорытындылады Крюков.
Бұған дейін Президент Қасым-Жомарт Тоқаев қазақстандық спортшылардың нәтижелері туралы өз ойын айтып, оларды елдің спорттық әлеуетіне сәйкес келмейтінін айтқан болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
