"Басыңды жұламын". Винокуров велосипед "ұрлығы" үшін қазақша сөйлеп кетті

Astana Pro Team бас менеджері, қазақстандық велошабандоз Александр Винокуров Францияда өтетін "Тур де Франс" тас жолы гранд-турының аясында әзіл-сықақ вайнға қатысты, - деп хабарлайды Tengrinews.kz тілшісі.

Вайн авторлары Винокуровтан сұхбат алып жатқан кезде оның велосипедін белгісіз біреу ұрлағандай болады. Ал ұры қазақ екені анықталғанда, уайымдап кеткен спортшы оны қазақ тілінде қорқыта бастаған. 

Александр Винокуров әзілге деген сүйіспеншілігімен танымал. Жылдың басында спортшы жасанды қарын жабыстырып, егде жастағы адам кейпіне еніп, өз команда мүшесінің жаттығуларына қатысқан. "Мен, тыңда, мына ата қазір өледі. Тоқтатыңдар оны", - деп күліп әңгімелеп берді Pro Team командасының мүшесі жаттығудан кейін.