Денис Тен Франциядағы Гран-при кезеңінде үшінші орын алды

Қазақстандық мәнерлеп сырғанаушы Денис Тен Парижде өтіп жатқан Гран-придің бесінші кезеңінде үшінші орын алды, - деп хабарлайды Tengrinews.kz тілшісі.

Қысқа бағдарламада үздік болып келе жатқан Денис Тен еркін бағдарламада 144,5 ұпай жинап, жалпы есепте 236,28 ұпаймен үшінші орын алды. 

Франциядағы Гран-придің бірінші орны Ресей спортшысы Максим Ковтунға бұйырды. Ол қысқа бағдарламада алтыншы орыннан көрінсе де, жалпы есепте 243,35 ұпай жинап, алға шықты. Ал жапон Тацуки Матида жалпы есепте 237,74 ұпай жинап, екінші орын алды.