Дмитрий Баландин 200 метрге брасс әдісімен жүзуде күміс медаль алды

Тайбейде өтіп жатқан жазғы Универсиада ойындарында қазақстандық суда жүзу спортының шебері, Рио Олимпиадасының чемпионы Дмитрий Баландин күміс медальға ие болды, - деп хабарлайды Vesti.kz.

200 метрге брасс әдісімен жүзуде отандасымыз соңғы сәтте жүлдеге қол соза білді. Аталған қашықтықты 2.9.70 минутта бағындырды. Ал алтын медальды америкалық жүзгіш Эндрю Уилсон(2.8.45 минут) иеленді. Қола медаль ресейлік спортшы Рустам Годировқа (2.9.72 минут) бұйырды.

Осыған дейін Дмитрий Баландин 100 метрге брасс әдісімен жүзуде қола медальға қол жеткізген еді.