Екі қазақстандық пен Хабиб қатысатын UFC турнирі қашан және қайда өтетіні айтылды

Қазақстандық Сергей Морозов пен Шавкат Рахмонов қатысатын UFC 254 турнирінің басталатын уақыты белгілі болды, - деп хабарлайды Vesti.kz.

Спорт порталының мәліметінше, турнир 24 қазанда Әбу-Даби қаласындағы "Жауынгерлер аралында" өтеді.

Бастапқы кездесулер Нұр-Сұлтан уақытымен сағат 20:15-те басталады. Бұл кездесуде қазақстандық Сергей Морозов пен Умар Нурмагомедов шығуы керек. Бұл екі спортшы үшін де ұйымдағы бірінші кездесу болуы керек еді. Бірақ 18 қазанда Морозовтың қарсыласы Әбу-Даби емханаларының біріне түсіп қалды. Қазіргі уақытта Морозовқа басқа қарсылас іздестіріп жатыр. 

Ал негізі жекпе-жектер Нұр-Сұлтан уақытымен сағат 22:00-де басталады. Бұл кездесулерде Шавкат Рахмонов бразилиялық Алекс Оливейраға қарсы жекпе-жек өткізеді. 

Турнирдің басты кездесуі Нұр-Сұлтан уақытымен сағат 23:30-да басталады. Басты айқаста жеңіл салмақта UFC чемпионы ресейлік Хабиб Нурмагомедов пен америкалық Джастин Гэтжи кездеседі. 

Қазақстан жаңалықтары. Соңғы жаңалықтар. Telegram желісінде бізге жазыл!