Екатерина Айдова Универсиаданың екінші қола медалін жеңіп алды

Екатерина Айдова Универсиаданың екінші қола медалін жеңіп алды, - деп хабарлайы Vesti.kz. 4 ақпанда Қазақстан Алматыда өтіп жатқан қысқы Универсиаданың кезекті қола медалін қоржынға түсірді.

Конькимен жүгіру спортынан 1000 метр қашықтықта Екатерина Айдова мәреге үшінші болып келді.

Қазақстандық спортшы бастапқыда үздік нәтиже көрсеткен, бірақ қорытындысында мәреде үшінші нәтижемен келді - 1:19.53. Бірінші орынды ресейлік Александра Качуркина (1:19.10) алса, екінші орынды оңтүстіккореялық Ким Хьюн-Юн (1:19.19) қанжығаға байлады.

Еске салайық, Универсиадада осыған дейін Айдова 1500 метр қашықтықта қола медаль алған болатын. Ал 500 метр қашықтықта, өкінішке қарай, жүлдеге іліне алмаған.