Футзалдан Еуропа чемпионатының екінші финалисі анықталды

Футзалдан Нидерландыда өтіп жатқан Еуропа чемпионатының екінші финалисі анықталды, - деп хабарлайды Tengrinews.kz тілшісі Vesti.kz порталына сілтеме жасап. 

Португалия мен Испания құрамалары арасындағы тартысты матчте пиренейліктер камбэк жасады. Бірінші таймның қорытындысы бойынша испаниялықтар 0:2 есебімен ұтып жатты. Алайда үзілістен кейін Португалия ойыншылары үш гол соғып кетті.

Португалия құрамасының сапында Бруну Коэлью (28 мин) және Зики (31, 38 мин) ерекшеленді. Ал Испания командасынан Рауль Гомес (17 мин) пен Чино (12 мин) көзге түсті.

Енді 6 ақпанда турнирдің финалында Ресей мен Португалия футзалшылары кездеседі. Еске салайық, Португалия құрамасы өткен жылы Литвада өткен әлем чемпионатының алтын медалін иеленді.

Үшінші орын үшін Испания-Украина матчі мен финал 6 ақпанда өтеді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!