Головкин қуатын бөлісті. GGG сусыны шықты

Геннадий Головкин өзінің "GGG Үш есе қуат" атты энергетикалық сусынын шығармақ, - деп хабарлайды Тengrinews.kz тілшісі. 

Жаңа сусынның шығарылуына байланысты Головкиннің командасы промо-ролик дайындаған. Кадрларға қарағанда сусын 500 миллилитр көлемінде шығарылады. Instagram желісінің кей қолданушылары сусынды Астананың дүкендерінен сатып алуға болатынын жазып жатыр. 

Жақында америкалық Jordan спорттық киім бренді Головкиннің құрметіне шығарылған киім топтамасын көрсеткен болатын. Қазақи ою, боксшының жиі айтатын Big Drama Show сөзі және GGG таңбасы киім дизайнының негізі болды. Сонымен қатар, Головкиннің құрметіне Hublot швейцариялық сағаттардың өндірушісі де өз топтамасын шығарған.