+7 (777) 001 44 99
Қазақша
Русский
English
06 желтоқсан 2019 | 09:13
Хабиб Нурмагомедовтің әкесі Қазақстан арқылы АҚШ визасын алғысы келетінін айтты
UFC чемпионы, ресейлік Хабиб Нурмагомедовтің әкесі RT телеарнасына берген сұхбатында АҚШ-тың Қазақстандағы консулдығы арқылы америкалық виза алғысы келетінін айтты, - деп хабарлайды Vesti.kz.
ПОДЕЛИТЬСЯ
UFC чемпионы, ресейлік Хабиб Нурмагомедовтің әкесі RT телеарнасына берген сұхбатында АҚШ-тың Қазақстандағы консулдығы арқылы америкалық виза алғысы келетінін айтты, - деп хабарлайды Vesti.kz.
Алматыға Абдулманап Нурмагомедов 22 желтоқсанда келеді. Бұған дейін ол бірнеше рет АҚШ визасын алғысы келген, алайда оған рұқсат берілмеген.
"Алуға тырысып жатырмын. Құжаттар Қазақстанға жіберілді. Шақыртуын күтіп жатырмын. 22-сі күні Алматыда боламын. Әңгімелесуден өтемін деп үміттенемін", - деп келтіреді Нурмагомедовтің сөзін "Чемпионат. "
Нурмагомедов АҚШ-қа ұлының 18 сәуірде Нью-Йоркте америкалық Тони Фергюсонмен өткізетін жекпе-жегіне барғысы келеді.
Ресейлік файтер жеңіл салмақта чемпион титулын қорғайды. Нурмагомедовтің ММА-де осыған дейін 28 кездесуде 28 жеңісі бар, Фергюсонның болса 28 жекпе-жекте 25 жеңісі бар. Олардың кездесуін UFC осымен бесінші рет ұйымдастырып жатыр - бұған дейін төрт рет жарақатқа байланысты кездесу өтпей қалған.
Айта кетейік, 25 желтоқсанда Хабиб Нурмагомедов Алматыдағы ММА турниріне келеді.
Показать комментарии
Читайте также
