Жалғас Жұмағұловтың UFC-дегі екінші жекпе-жегі шегерілуі мүмкін

Фото:instagram.com/zhumagulov_zhalgas

Қазақстандық файтер Жалғас Жұмағұловтың UFC-дегі екінші жекпе-жегі шегерілуі мүмкін, - деп хабарлайды Vesti.kz.

Осы жағдайға жақын дереккөз басылымға Жұмағұлов АҚШ-қа жұмыс визасын әлі ала алмағанын айтты. Спортшының өкілдері визаны жылдам алуға тырысып жатыр екен.

Швед Амир Албазиге қарсы жекпе-жек 28 қарашада Лас-Вегаста өтеді деп жоспарланған.

Екі файтер де шілдеде UFC-дегі дебютін өткізген болатын. Жұмағұлов төрешілер шешімімен жеңілсе, Албази жеңіске жеткен еді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!