Канело көз арбасу рәсімінде әлем чемпионымен төбелесті

WBA, WBC және WBO чемпионы мексикалық Сауль "Канело" Альварес (56-1-2, 38 КО) баспасөз мәслихаты кезінде IBF титулына ие америкалық Калеб Плантпен (21-0, 12 КО) төбелесіп қалды, - деп хабарлайды Tengrinews.kz тілшісі Vesti.kz сілтеме жасап.

Бұл жиын боксшылардың 6 қарашада Лас-Вегаста өтетін жекпе-жегіне арналған.

Жиында көзарбасу рәсімі кезінде "Канело" сөзге келіп қалып, америкалықты кеудесінен итеріп жіберді, ал Плант мексикалықты бетінен ұруға тырысты. Осылайша, төбелес басталып кетті. Алайда оларды бірден ажыратып алды. 

"Анам туралы сөйлеме",- деп жазды Альварес, Twitter-де төбелес видеосын жариялап.

Сілтемесіз жаңалық оқисыз ба? Онда Telegram желісінде парақшамызға тіркеліңіз!