Қазақ боксшысы Азия чемпионатында қарсыласын бірінші раундта есінен тандырды

Қазақстандық Бахтияр Анарбаев жастар арасындағы Азия чемпионатының алғашқы жекпе-жегінде қарсыласын нокаутқа түсірді. Тағы екі қазақстандық қарсыластарын мерзімінен бұрын жеңді, - деп хабарлайды Tengrinews.kz тілшісі Vesti.kz сайтына сілтеме жасап.

Йордания астанасы Амманда өтіп жатқан турнирдің екінші жарыс күні рингке Қазақстаннан алты боксшы шығып, оның бесеуі келесі кезеңге өтті. Анарбаевтан бөлек Акбар Бисарев пен Ислам Советов айқастарын мерзімінен бұрын өз пайдасына аяқтады.

Тағы екеуі, Алмат Абдуали және Мадияр Тайпақов төрешілер шешімімен жеңіске жетті.

Сілтемесіз жаңалық оқисыз ба? Онда Telegram желісінде парақшамызға тіркеліңіз!