Қазақстан еркін күрестен әлем чемпионатында тағы бір алтын медаль алды

Қазақстан U17 әлем чемпионатында еркін күрестен екінші алтын алды, - деп хабарлайды Tengrinews.kz тілшісі Vesti.kz басылымына сілтеме жасап.

92 келіге дейінгі салмақтағы шешуші жекпе-жекте венгриялық Муса Арсункаевты жеңген Камил Куруглиев (11:0) әлем чемпионы атанды.

Камил - қазақстандық еркін күрес палуаны, 2005 жылғы әлем чемпионатының қола жүлдегері, Қазақстан Республикасының еңбек сіңірген жаттықтырушысы Магомед Куруглиевтің ұлы.

Сурет: Instagram/@nitedworldwrestling 

55 келіге дейінгі салмақ дәрежесінде өнер көрсететін Дарын Әскербек Қазақстан құрамасына алғашқы "алтын" әкелді.

Сурет: Instagram/@nitedworldwrestling

Бұған дейін әлем чемпионатының қола жүлдесін грек-рим күресінің балуандары Арсен Жұма мен Юсуф Ашрапов, сондай-ақ әйелдер күресінен Алина Ертөстік жеңіп алған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!