+7 (777) 001 44 99
Қазақша
Русский
English
15 ақпан 2022 | 17:12
Қазақстанда спорт ғылыми-зерттеу институты құрылады
Қазақстанда спорт ғылыми-зерттеу институты құрылады. Бұл туралы Ұлттық Олимпиада комитеті спорт дирекциясының директоры Елсияр Қанағатов айтты, - деп хабарлайды Tengrinews.kz тілшісі Vesti.kz сайтына сілтеме жасап.
ПОДЕЛИТЬСЯ
Қазақстанда спорт ғылыми-зерттеу институты құрылады. Бұл туралы Ұлттық Олимпиада комитеті спорт дирекциясының директоры Елсияр Қанағатов айтты, - деп хабарлайды Tengrinews.kz тілшісі Vesti.kz сайтына сілтеме жасап.
Оның айтуынша, ғылыми-зерттеу институты болуы спорттағы жетістіктерді дамытуға көмектеседі.
"Ұлттық Олимпиада комитеті спорттық медицинада оң жұмыстар атқарды. Медициналық орталықтар құрдық, заманауи жабдықтар сатып алдық, жан-жақты ғылыми топ мамандарын оқытуға тырысып жатырмыз. Бірақ бұл жеткіліксіз. Өкінішке қарай, бізде ғылыми-зерттеу институты жоқ. Бұл бұқаралық спорт үшін де, жетістікке жету үшін де қажет. Мұндай ғылыми-зерттеу институтын құру мәселесі қазір де бар. Спорт ғылымы біздің жаттықтырушыларымызға көмектесу үшін жұмыс істеуі керек. Жаттықтырушылар ақпарат табуға тырысады, үйренеді, бірақ оны жүйелі түрде жүргізу керек. Барлық Олимпиада мен Токио олимпиадасының қорытындысы Үкіметте осы ғылыми-зерттеу институтын құруға назар аудартады деп үміттенеміз.
Бұл жұмысты мәдениет және спорт министрлігі жүргізіп жатқанын білемін. Бұл туралы Үкімет деңгейінде шешім шығарылды. Оның жұмыс істеуі үшін аз ғана уақыт қажет", - деді Қанағатов.
Еске салайық, қазақстандық спортшылар Бейжіңдегі 2022 жылғы Олимпиадада бақ сынап жатыр. Әзірге төртінші орынды иеленген шорт-трекист Абзал Әжғалиев үздік нәтижеге қол жеткізді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
