Қазақстандық спортшы велоспорттан Азия чемпионатында жеңіске жетті

Қазақстандық Рината Сұлтанова Тәжікстанда өткен шосседегі велоспорттан Азия чемпионатында алтын медаль жеңіп алды, - деп хабарлайды Tengrinews.kz тілшісі Olympic.kz сайтына сілтеме жасап.

Сұлтанова жекелеген жарыста үздік атанды. Велошабандоз 24 шақырым қашықтықты 33 минут 24,632 секундта еңсеріп, әйелдер арасындағы элиталық санаттағы үздік уақытта келді.

Екінші орынды индонезиялық Делиа Приатна (+34,643) еншіледі. Қола медаль моңғол спортшысы Солонго Цэрэнлхамға бұйырды (+01:39.450).

Осылайша Рината Сұлтанова шосседегі велоспорттан Азия чемпионы атағын жеңіп алған тұңғыш қазақ шабандозы атанып отыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!