Қазақстандық спортшының UFC-дегі бірінші кездесуі өтпей қалуы мүмкін

Қазақстандық спортшы Шавкат Рахмоновтың UFC-дегі бірінші кездесуі тағы да өтпей қалуы мүмкін. Бұл туралы ресейлік журналист Игорь Лазорин айтты, - деп хабарлайды Tengrinews.kz тілшісі Vesti.kz сайтына сілтеме жасап.

Рахмонов 24 қазанда Әбу-Даби (БАӘ) қаласындағы UFC 254 турнирінде өнер көрсетуі керек еді. Бірақ оның бразилиялық қарсыласы Элизеу Залески Дос Сантос (22-7) жарақат алып қалыпты. 

Қазақстандық спортшы UFC-дегі бірінші кездесуін осы Абу-Даби қаласында жазда өткізу керек болатын. Алайда ол кезде қазақстандық спортшы жарақат алып қалды. 

Сондай-ақ, UFC 254 турнирінің басты кездесуінде жеңіл салмақта ұйымның чемпионы ресейлік Хабиб Нурмагомедов пен амеиркалық Джастин Гэтжи жекпе-жек өткізеді. 

Айта кетейік, бұл кеште тағы бір қазақстандық Сергей Морозов та өнер көрсетуі керек. 

Қазақстан жаңалықтары. Соңғы жаңалықтар. Telegram желісінде бізге жазыл!