Конор МакГрегор төрешіге тап беріп, үлкен шу шығарды

Жеңіл салмақтағы UFC чемпионы Конор МакГрегор 11 қарашаға қараған түні өткен Bellator 187 турнирінде октагон ішінде жанжал шығарды, - деп хабарлайды Eurosport.

Ираландиялық спортшы турнирде көреремен болып отырған. Жерлесі Чарли Уордтың жеңісінен кейін МакГрегор сегізбұрышты алаңға кіріп, жеңімпаздың үстіне секіріп, құшақтай бастаған. 

Рефери құшақтасқан спортшыларды ажырата бастаған кезде ашуланған МакГрегор төрешіге тап берген, осыдан кейін оны өзге төрешілер мен күзетшілер қоршап алды.