МакГрегор мен Нурмагомедов жекпе-жегі алдындағы жанкүйерлердің төбелесі түсірілген видео пайда болды

Хабиб Нурмагомедов және Конор МакГрегордың Лас-Вегастағы T-Mobile аренасында өткен жекпе-жегі алдында жанкүйерлер төбелес шығарды, - деп жазады Vesti.kz.

Видеодан төбелеске сәнді көйлек киген әйелдердің де араласып кеткені көрінеді.

"Хабиб Нурмагомедов пен Конор МакГрегор жұдырықтасуын күтіп тұрып, ресейлік жанкүйер ирландиялықпен төбелесті. Бұл жер шынымен қызып тұр", - делінген видео жазбасында.

Еске салайық, Нурмагомедов төртінші раундта тұншықтыру әдісімен жеңіске жеткен болатын. Осылайша, ол жеңіл салмақта чемпион атағын қорғап қалды.

Жекпе-жектен кейін Нурмагомедов октогоннан секіріп түсіп, жаппай төбелеске себепкер болды. Жағдайға күзет пен полицияның араласуына тура келді. Осыдан кейін Нурмагомедовке гонорарды төлеу шегерілді және ол белбеуден де айырылуы мүмкін.