Месси "Барселонаға" оралуға қатысты мәлімдеме жасады

Франциялық "Пари Сен-Жермен" шабуылшысы Лионель Месси каталондық "Барселонаға" оралу ниеті туралы айтты, - деп хабарлайды Tengrinews.kz тілшісі vesti.kz сайтына сілтеме жасап.

"Барселонаға" оралатынымды үнемі айтатынмын, өйткені ол менің үйім, клубқа көмектескім келеді, қолымнан келгенінше. Егер мен өз үлесімді қосып, клубқа жәрдем бола алсам, оралғым келеді", - деп береді Мессидің сөзін Ge.globo басылымы Marca порталына сілтеме жасап. 

Еске салайық, Месси 2003 жылдан 2021 жылға дейін каталондық клубтың намысын қорғады.

2021 жылдың тамызында Месси ПСЖ-ға ауысты. Осы маусымда 34 жастағы аргентиналық шабуылшы Франция 1-лигасында алты матчқа қатысып, бір гол соқты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!