MMA файтері қарсыласын футболдағы тәсілмен нокаутқа түсірді

 UFC жекпе-жегі кезінде Эрик Андерс Тим Уилиамсты soccer kick (футбол соққысы) арқылы нокаутқа түсірді. Төбелес видеосы Prime Bam Childress twitter-аккаунтында пайда болды.

Кездесу UFC Fight Night 135 турнирінде болды. Андерс құлап жатқан қарсыласының бетінен аяқпен теуіп, жеңімпаз атанды. 

Андерс спортқа америкалық футболшы ретінде келген. Ол Алабама Университетінің атынан жарыстарға қатысқан, ал оқуын тәмамдағаннан кейін "Кливленд Браунспен" келісімшартқа отырған. 2012 дылы Андерс аралас жекпе-жекке өтіп, 2017 жылы UFC-мен келісімшартқа отырды.