Олимпиада-2020 жүлдегері Бүкіләлемдік ойындарда алтын медаль жеңіп алды

2020 жылғы Токио Олимпиадасының қола жүлдегері қазақстандық Софья Берульцева Бүкіләлемдік ойындар жеңімпазы атанды, - деп хабарлайды Vesti.kz.

Жарыстар Бирмингем қаласында (АҚШ) өтті.

Қазақстандық каратэші 68 келіден жоғары салмақ дәрежесінде "алтын" жеңіп алды. Ол финалда испаниялық Мария Торрес Гарсияны жеңді.

Еске салайық, 2021 жылдың қарашасында Берульцева әлем чемпионатында каратэден 68 келіге дейінгі салмақ дәрежесінде қола медаль жеңіп алған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!