Олимпиаданың тоғызыншы күнінде өнер көрсететін қазақстандықтардың кестесі

16 ақпан күні қазақстандық спортшылар ерлер арасындағы шаңғы эстафетасының, тау шаңғысы жарысының және конькишілердің жылдам жүгіру сайысының медальдарын сарапқа салу үшін өнер көрсетеді. Сочи Олимпиадасының бұл кестесін Vesti.kz ұсынып отыр. Олимпиаданың тоғызыншы күні 5 медаль жиынтығы сарапқа салынады. Тау шаңғысы жарыстарында қазақ елінің намысын Дмитрий Кошкин, Мартин Хубер және Игорь Закурдаевтер қорғайды. Сайыс тікелей эфир арқылы "Хабар" мен "KazSport" арналарында Астана уақытымен 12:00 де көрсетіледі. Ерлер арасындағы 4×10 шақырымдық шаңғы эстафетасында Қазақстан құрамасы атынан жарыс алаңына Денис Волотки, Сергей Черепанов, Евгений Величко және Марк Старостиндер шығады. Сайыс 16:00-де басталады. Конькимен 1 500 метр қашықтыққа жүгіру жарысында Екатерина Айдова сынға түседі деп күтілуде. Бұл ойын 20:00-де болады. Толығымен мына сілтемеден оқыңыз.