Паралимпиадада дзюдошы Әнуар Сариев күміс медаль жеңіп алды

Қазақстандық дзюдошы Әнуар Сариев Токиода өтіп жатқан Паралимпиада ойындарында күміс медаль жеңіп алды, - деп хабарлайды Tengrinews.kz тілшісі Vesti.kz басылымына сілтеме жасап.

27 тамызда ол 60 келіге дейінгі салмақ дәрежесінде финалға шықты. Шешуші кездесуде Сариев әзербайжандық Вугар Ширинлиге есе жіберді.

Айта кетейік, бұл Қазақстан құрамасының қоржынындағы екінші медаль және бірінші "күміс". Бұған дейін парапауэрлифтигтен Давид Дегтярев алтын медаль алған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!