Қазақ тойында "Реал Мадрид" әнұраны шырқалды

Қазақстандық тойда испаниялық "Реал Мадрид" футбол клубының әнұраны шырқалды, - деп хабарлайды Tengrinews.kz тілшісі. Әлеуметтік желіде осы салтанатты шараның видеолары пайда болды.

Мәдени шараның қайда өткені - нақтыланбаған. Қазақстанның бір қаласында өткені анық.

Видеода қыз бен жігіт залда өз орындарына футбол клубының әнұранымен кетіп бара жатады. Олардың жанында "Реал Мадрид" клубының туын ұстаған жігіт жүр. Өз орындарына отырған жас жұбайлар қолдарын жүрегіне қояды. Осы кезде қыз бен жігіт "Реал Мадрид" әнұранын бірге айтып тұрады. Ал олардың артындағы теледидардан футбол ойындарының бірі көрсетіледі.