Қазақстан Азия чемпионатында ауыр атлетикадан алғашқы жүлдесін алды

Ауыр атлет Арли Чонтей Қытайдың Нинбо қаласында өтіп жатқан Азия чемпионатында Қазақстан қоржынына алғашқы медальді алып келді, - деп хабарлайды Vesti.kz тілшісі.

Ол 55 келіге дейінгі салмақ дәрежесінде жұлқа және сілке көтеруден 246 (113+133) келіні еңсеріп, қола медальға ие болды. Жұлқи көтеруде оның нәтижесі екінші болды.

26 жастағы Чонтей Азия чемпионатында алғаш рет медаль жеңді. Спортшы 2018 жылы әлем чемпионатында "күміс", ал 2017 жылы Универсиадада "қола" алған. Ал 2016 жылғы Олимпиадада төртінші болған.

Азия чемпионаты бүгін, 20 сәуірде басталды. Қазақстан құрамасында Илья Ильин бар.