Қазақстандық дзюдошы Загребте Гран-при турнирінің жеңімпазы атанды

Дзюдодан Хорватияның Загреб қаласында өтіп жатқан Гран-при турнирінде Қазақстан құрамасының көшбасшысы Галбадрах Отгонцэцэг чемпион атанды деп, - хабарлайды Tengrinews.kz тілшісі ҰОК ресми сайтына сілтеме жасап. 

48 келіге дейінгі салмақта белдескен Қазақстан командасының мүшесі финалға дейін сүрінбей, ақтық айқаста франциялық Мелани Клементті ұтты.

Финалға дейін Галбадрах Австрия (Катарина Танзер) және Қытай (Яо Ксионг) спортшыларынан басым түскен болатын.