Қазақстандық спортшы халықаралық жарыста топ жарды

Жеңіл атлетикадан Қазақстан командасы Thailand Open Track & Field 2019 халықаралық турниріне қатысып жатыр. Біздің құрама сапында өнер көрсетіп жүрген Мария Овчинникова көзге түсті, - деп хабарлайды Тengrinews.kz тілшісі ҚР Ұлттық олимпиада комитетінің баспасөз қызметіне слітеме жасап.  

Овчинникова үш қарғып секіруден жеңімпаз атанды. Ол 13.19 метрге секіріп, 2019 жылғы Азия чемпионы, тайландтық Паринью Чуаймароенгті артта қалдырды. 

Айта кетейік, Қазақстан сапынан Иван Иванов (ядро лақтыру), Елизавета Матвеева (биіктікке секіру) және Полина Иванова (сырықпен секіру) алдағы күндері жарыс жолына шығады.