Қазақстандық таеквондошылар Азия біріншілігінде жеті медаль иеленді

Иорданияның Амман қаласында таеквондодан жасөспірімдер мен кадеттер арасындағы Азия біріншілігі өтіп жатыр. Екінші жарыс күнінде кадеттер жеті медаль жеңіп алды, - деп хабарлайды Тengrinews.kz тілшісі ҰОК ресми сайтына сілтеме жасап. 

Қазақстандықтар екі күміс және бес қола жүлдеге қол жеткізген. Айдана Сүндетбай мен Тамир Қуатова финалда есе жіберіп, күміс жүлдегер атанды.

Ал Мария Севостьянова, Назым Махмұтова, Темірлан Тілеулес, Бекарыс Бекенов және Тұрсын Ислам үздік үштікке еніп, қола медаль иеленді.