Қуат "Найман" Хамитов келесі жекпе-жегін қашан және кіммен өткізетінін жария етті

Аралас жекпе-жектен ел намысын қорғап жүрген Қуат "Найман" Хамитов (20-5-1) келесі жекпе-жегі қашан өтетінін хабарлады, - деп хабарлайды Vesti.kz қазақ бөлімі.

Хамитовтың келесі қарсыласы ирландиялық Питер Куилли (10-3) болады. Жекпе-жек қыркүйек айында Алматы қаласында Fight Nights Global турнирі барысында өтеді. 

"Мен дайын боламын!", - деп жазба қалдырды Хамитов Instagram желісіндегі парақшасында. 

Еске салайық, Хамитов өзінің соңғы кездесуін 2017 жылдың сәуірінде өткізді. Владивостокта өткен Fight Nights Global 63 турнирінің басты кездесуінде ол ресейлік Магомедсайгид Алибековтен жеңіліп қалған еді.