Расул Мирзаев Арман Оспанов өнер көрсететін АСВ ұйымымен келісімшарт жасасты

Ресейлік аралас жекпе-жек майталманы Расул Мирзаев Арман Оспанов жұдырықтасатын АСВ тұжырымымен келісімшартқа отырды, - деп хабарлайды Vesti.kz АСВ-дің ресми сайтына сілтеме жасап.

Жақында ғана Алматы қаласында өткен Fights Nights Global 86 турнирінде өнер көрсеткен Расул Мирзаев әлемдегі ең үздік тұжырымдардың бірі саналатын АСВ ұйымымен келісімшартқа отырды. 32 жастағы спортшы отандасымыз Арман "Сұңқар" Оспановтың салмағында яғни 66 келіде сынға түсетін болады.

Айта кетейік, Расул «Қара жолбарыс» Мирзаев сегізбұрышта 17 жекпе-жек өткізіп, тек 1 мәрте ғана жеңіліске ұшыраған болатын.