Ресей Кубогы жарысы кезінде биатлоншы қыз қайтыс болды

Түменде Ресей Кубогы кезеңінің жарысында Удмуртия биатлоншысы Алина Якимкина қайтыс болды, - деп хабарлайды Lenta.ru Ресейдің Биатлоншылар одағына сілтеме жасап.

Жарыс кезінде спортшының жүрегі тоқтап қалған. Трассада қызмет көрсеткен дәрігерлер 21 жастағы биатлоншыны құтқарып қала алмады. Прокуратура Якимкинаның өлімі бойынша тексеруді бастады. Сот-медицина сараптамасы тағайындалды. 

Айта кетейік, 2014 жылдың наурыз айында Якимкина Красноярскіде жасөспірімдер арасындағы ел біріншілігінің эстафета жарысында жүлдегер атанған. 2014-2015 жылдардағы маусымда ол жазғы биатлон бойынша жарыстарға және Ресей Кубогы кезеңдеріне Удмурт Республикасы атынан қатысты.