Рустам Ибраев Универсиада ойындарының қола жүлдесін жеңіп алды

Қазақстандық дзюдошы Рустам Ибраев жазғы Универсиада ойындарында қола жүлдегер атанды, - деп хабарлайды Vesti.kz порталы.

60 келі салмақта сынға түскен отандасымыз бірінші айналымда Нидерланды палуаны Рой Коффяберген, екінші айланымда макаолық Лио Чон Хоудан, ширек финалда бельгиялық Флавио Димаркадан айласын асырған. Өкінішке қарай, жартылай финалда біздің дзюдошы Тайко Фуджикадан жеңіліп қалды. Сөйтіп, қола жүлде үшін белдесуге мүмкіндік алды.

Бұл белдесуде Ибраев моңғол Мьягмардорж Батгерелмен кездесіп, үстем түсті.

Осылайша Қазақстан құрамасының қоржыны Универсиада ойындарының 8 жүлдесімен толықты. Қазір біздің еншімізде 2 алтын, 1 күміс және 8 қола жүлде бар.