Седов допинг дауы жөнінде: Жел тұрмаса, шөптің басы қозғалмайды

Ауыр атлетикадан 2009 жылғы әлем чемпионы, қазақстандық спортшы Владимир Седов Instagram әлеуметтік желідегі парақшасында Олимпиада чемпиондарына қатыста қатысты допинг дауы жөнінде пікірін айтты, - деп хабарлайды Vesti.kz.

"2006, 2013 және 2015 жылдардағы Олимпиада чемпиондарына қатысты допинг дауы туралы айтсам, жел тұрмаса, шөптің басы қозғалмайды. Мен қазақ емеспін, дегенмен осында тудым, Отанымды жақсы көремін және Олимпиада ойындарында Қазақстанның намысын қорғауға дайынмын. Мансабымда әділетсіздіктер болды, дегенмен қазақ жерінде маған қолдау көрсеткен жақсы адамдар да болды", - деп жазды Седов.

Еске салайық, бұған дейін ақпарат құралдары Олимпиада чемпионы Илья Ильиннің алтын медалінен айырылып, Рио-де-Жанейро Олимпиадасы алдында дисквалификациялануы мүмкін екенін хабарлады. Олардың мәліметінше, чемпионның қанынан допинг табылған. Сонымен қатар, тізімде Зүлфия Чиншанлоның да бар екені айтылды.