Шардаралық жігіт армрестлингтен әлемнің 26 дүркін чемпионын жеңді

Шардаралық (Түркістан облысы) Қыдырғали Оңғарбаев Түркияда 6 тамызда өткен East vs West халықаралық турнирінде армрестлингтен аты аңызға айналған, әлемнің 26 дүркін чемпионы америкалық Джон Брзенкті жеңді, - деп хабарлайды Tengrinews.kz тілшісі Shardara.armsport сайтына сілтеме жасап.

Онғарбаев 3-1 есебімен жеңіске жеткен. Тағы бір жерлесіміз Сарыбай Ердәулет қарсыласы - әлемнің бірнеше дүркін чемпионы түркиялық Юсуф Илдызоглуны 3-0 есебімен жеңді.

Оңғарбаев белгілі жаттықтырушы Арман Қарсыбаевтың шәкірті. Қыдырғали ауыр салмақта Қазақстан мен Азияның абсолют чемпионы, әлем кубогының иегері және әлем чемпионы.

Сілтемесіз жаңалық оқисыз ба? Онда Telegram желісінде парақшамызға тіркеліңіз!