Спортқа қайта келген Емельяненко техникалық нокаутпен жеңіске жетті

Спортқа қайта келген ресейлік Федор Емельяненко үндінің спортшысы Жайдип Сингханы техникалық нокаутпен жеңіді, - деп хабарлайды Vesti.kz.

Жекпе-жек Жапонияда Rizin Fighting World Grand Prix  турнирінің аясында өтті және бір ғана раундқа созылды. Емельяненко бірінші секундтарда бірнеше рет сәтті соққы жасады. Осыдан кейін үндістің қабағы жарылды.

39 жастағы Емельяненко үшін бұл 2012 жылдан бергі бірінші жекпе-жегі. Сол кезде аңызға айналған спортшы мансап жолының аяқталғанын айтып еді, алайда биыл қыркүйекте спортқа қайта оралатынын мәлімдеді. Енді оның қоржынында 41 жекпе-жегінде 36 жеңісі бар.