Тағы бір қазақстандық спортшы қыз Олимпиадаға жолдама алды

Эльмира Сыздықова Қазақстан құрамасына 2020 жылғы Олимпиадаға екінші жолдаманы сыйлады, - деп хабарлайды Vesti.kz.

Бүгін 76 келіде өткен белдесулерде Сыздықова алдымен италиялық спортшыдан, кейін Тайпей өкілінен басым болды. Осылайша, ол қола жүлде үшін белдеседі және Токио Олимпиадасына автоматты түрде лицензияны иеленді.

Әйелдер арасындағы күресте алғашқы лицензияны 50 келіде белдесетін Валентина Исламова алған. Сонымен бірге, ол бұл жарыста үшінші орын алып, Қазақстан үшін жалғыз жүлдені жеңіп алды.