Таушаңғышы жарыс кезінде құздан құлап кетті

Ресейлік таушаңғышы Иван Малахов австриялық Фибербрун қаласында Freeride World Tour фрирайдтан өткен жарыс барысында құздан құлап кетті. Өзінің құлаған сәтіндегі видеоны спортшы YouTube желісінде жариялаған, - деп хабарлайды "360" телеарнасы. 

Спортшының айтуынша, бұл спорттық мансабындағы ең ауыр құлауы болып саналады екен. Ресейлік спортшының құлаған сәтін әуедегі камераларда түсәіріп алған. Видеода ресейлік спортшының жарысты сәтті бастағаны көрінеді, алайда бір сәтте ол тайып кетіп, төмен қарай құлайды. Басында тек қарға ғана соғысқан, төмен түсе келе ол тасқа да соқтығысады. Спортшының құлаған жеріне құтқарушылар келіп, оны медициналық мекемеге жеткізген. 

"Бірнеше күннен кейін видеоны қарадым, мен ойлағанннан да қорқынышты екен... Қазіргші уақытта өзімді жақсы сезінемін, бірақ сырғанауды жоспарламаймын", - деп жазды спортшы. 

Қазіргі уақытта спортшы Аляскада ем алып жатыр. Айта кетейік, фрирайд - сноубордпен немесе тау шаңғысымен дайындалмаған жолдарда сырғанау жарысы.