Тхэквондошы Руслан Жапаров Токио Олимпиадасының ширек финалына шықты

Қазақстандық тхэквондошы Руслан Жапаров Токио Олимпиадасында ширек финалға шықты, - деп хабарлайды Tengrinews.kz тілшісі.

81 келіден жоғары салмақта өнер көрсетіп жатқан Жапаров екінші кезеңде германиялық Александр Бахманнмен күш сынасты. Қазақстандық тхэквандошы қарсыласын 11:7 есебімен жеңді. 

Енді ширек финалда Жапаров Оңтүстік Корея спортшысы Ке Дон Инмен кездеседі. 

25 жастағы Руслан Жапаров Таразда туған. 2018 жылы Азия ойындарында қола, Азия чемпионатында күміс медаль иеленген. 2016 жылғы Рио Олимпиадасында 1/8 финалда, кейін жұбаныш жекпе-жегінде жеңіліп қалған. 

Айта кетейік, қазір Қазақстан қоржынында үш медаль бар. Дзюдошы Елдос Сметов, ауыратлеттер Игорь Сон мен Зүлфия Чиншанло қола медаль иеленген болатын.  

Сілтемесіз жаңалық оқисыз ба? Онда Telegram желісінде парақшамызға тіркеліңіз!