Токио Олимпиадасы: Қазақстан қоржынына сегізінші қола жүлде түсті

Қазақстандық каратэші Софья Берульцева Токио Олимпиадасының қола жүлдегері атанды, - деп хабарлайды Tengrinews.kz тілшісі.

61 келіден жоғары салмақта сынға түскен Берульцова финал жолдамасын мысырлық Ферьял Абделазизбен сарапқа салды. Қазақстандық каратэші бұл жекпе-жекте 4:5 есебімен жеңіліп қалды.

Бұған дейін Софья Берульцева топтық кезеңнен шыққаны хабарланған еді. 

Осылайша, Қазақстан қоржынына сегізінші қола медаль түсті. Берульцоваға дейін дзюдошы Елдос Сметов, ауыратлеттер Игорь Сон мен Зүлфия Чиншанло қола медаль иеленген болатын. Кейін боксшылар Қамшыбек Қоңқабаев пен Сәкен Бибосынов, балуан Нұрислам Санаев пен каратэші Дархан Асәділов те қола жүлде еншілеген.  

Сілтемесіз жаңалық оқисыз ба? Онда Telegram желісінде парақшамызға тіркеліңіз!