Тони Фергюсон Хабиб Нурмагомедовқа қарсы жекпе-жекке қалай дайындалып жатқанын көрсетті

Америкалық файтер Тони Фергюсон Instagram желісіндегі парақшасында ресейлік Хабиб Нурмагомедовқа қарсы қалай дайындалып жатқанын көрсетті, - деп хабарлайды Тengrinews.kz тілшісі. 

Видеода Фергюсон қарсыласпен партерде қалай әрекет ететінін көрсеткен. "Оны менімен бір бір тордың ішіне қамайды. Үш раундтан көп уақытқа. Жеті рет өлшеп, бір рет кес. Хабибтың соңынан бара жатырмын", - деп жазды файтер видео сипаттамасында. 

Фергюсон - Нурмагомедов арасындағы кездесу 2020 жылы 18 сәуірде Бруклинде өтеді. Қос спортшының кездесуі осыған дейін төрт рет шегерілген. 

Фергюсон мен Нурмагомедов - қатарынан жеңіске жеткен (12) файтерлер арасында көш бастап тұр.