UFC чемпионы Хабиб Нурмагомедов Алматыға не үшін келді?

Бүгін түнде UFC чемпионы Хабиб Нурмагомедов Алматыға келді. Ресейлік файтермен түскен суретін Қазақстан жастар құрамасының футболшысы Дінмұхамед Қашкен жариялады, - деп хабарлайды Vesti.kz. 

Қазақстанға Хабиб UFC-дегі командаластары Зубайра Тухуговпен және Ислам Махачевпен бірге келді. 

Алматыда Нурмагомедов 25 желтоқсанда "Алматы Аренада" өтетін Gorilla Fighting Championship 23 турнирінің құрметті қонағы болады. Ал бүгін UFC чемпионы жанкүйерлерімен кездеседі.

Айта кетейік, Алматыға келер алдында Нурмагомедовтің үшінші баласы дүниеге келген болатын.