UFC-ге оралған МакГрегордың келесі қарсыласы мен жекпе-жек күні аталды

UFC-ге оралған МакГрегордың келесі қарсыласы мен жекпе-жек күні аталды, - деп хабарлайды Vesti.kz.

Cпорт порталының мәліметінше, екі салмақта UFC ұйымының бұрынғы чемпионы Конор МакГрегор келесі жекпе-жегін 18 қаңтарда өткізеді. Бұл туралы спорт шолушысы Бретт Окамото UFC басшысы Дана Уайтқа сілтеме жасап хабарлаған.

Ирландиялық жұлдыздың қарсыласы - америкалық Дональд Серроне. Жартылай орта салмақтағы жекпе-жек Лас-Вегастағы UFC 246 шоуында өтеді.

Еске салайық, МакГрегор 2018 жылдан бері - ресейлік Хабиб Нурмагомедовтен жеңілгелі октагонға шықпады. Ал Серроне мұның алдындағы екі жекпе-жегінде де жеңілген.