Усэйн Болт: Футбол командасымен келісімшартқа отырдым

Ямайкалық жеңілатлет, сегіз дүркін Олимпиада чемпионы және он бір дүркін әлем чемпионы Усэйн Болт футбол командасымен келісімшарт жасасқаны туралы мәлімдеді, - деп хабарлайды Vesti.kz.

"Мен футбол командасымен келісімшартқа отырдым! Сейсенбіде қандай клуб екенін білесіздер", - деді Болт Instagram желісіндегі парақшасында. 

Қаңтардың соңында 31 жастағы Болттың ОАР-дағы "Мамелоди Сандаунз" клубының жаттығу процесіне қатысқаны хабарланған болатын. 

Осыған дейін Болт "Манчестер Юнайтед" ойыншысы болуды армандайтынын айтқан еді, сонымен қатар наурызда дортмундтық "Боруссияда" бағын сынап көретінін де айтқан болатын.