Vesti.kz спорт сайтының қазақша нұсқасы ашылды

Vesti.kz спорт басылымы сайттың қазақша нұсқасын ашты. Басылымның қазақша нұсқасын бүгіннен, 25 қаңтардан бастап оқуға болады.

Қазақша нұсқаға сайттың оң жақ жоғары тұсында тұрған"Қаз" батырмасын басып немесе kaz.vesti.kz доменін теріп, кіруге болады.

Сонымен қатар, оқырманның ыңғайына қарай мемлекеттік тілдегі мобильді нұсқасы бар. Оған m.kaz.vesti.kz доменін теру арқылы кіруге болады. Телефон арқылы ашқанда сайттың мобильді нұсқасы автоматты түрде қосылады.

"Енді басты әрі қызықты спорт жаңалықтарын мемлекеттік тілде оқи аласыздар", - деп атап өтті спорт порталының өкілдері.