Хабиб Нурмагомедов кіші-Флойд Мейвезерді жекпе-жекке шақырды

Ресейлік жеңіл салмақ дәрежесіндегі UFC чемпион Хабиб Нурмагомедов салмағына қарамастан америкалық үздік боксшы кіші-Флойд Мейвезерді жекпе-жекке шақырды, - деп хабарлайды Tengrinews.kz тілшісі Vesti.kz порталына сілтеме жасап.

"Флойд, алға! Мен жекпе-жекке шығуға дайынмын: 50-0 қарсы 27-0. Екеуміз де жеңіліп көрмегенбіз. Неге бірге шықпасқа? Джунглиде тек бір патша бар, ол - мен, себебі мен Конорды оңай жеңдім, ал ол жоқ", - деді Нурмагомедов Instagram әлеуметтік желісіндегі парақшасында.

Еске салайық, 6 қазанда Лас-Вегаста Нурмагомедов МакГрегорды төртінші раундта тұншықтыру әдісімен жеңген еді. Осылайша, ол жеңіл салмақта чемпион атағын қорғап қалды. Ал ирландиялық спортшы бұрындары Мейвезерден жеңіліп қалған.