Халықаралық күрес федерациясы Теңізбаевқа 2008 жылғы Олимпиаданың күміс медалін берді

Халықаралық күрес федерациясы (UWW) Нұрбақыт Теңізбаевқа 2008 жылғы Олимпиаданың күміс медалін берді, - деп хабарлайды Vesti.kz. 

UWW Қазақстанның грек-рим, еркін күрес және әйелдер күресі федерациясына осы туралы растау ресми хатын жолдап отыр. 

Айта кетейік, Халықаралық Олимпиада комитеті 2008 жылғы Олимпиадалағы 16 атлеттің нәтижесі жойылғанын хабарлаған болатын. Бұл атлеттердің қанынан допинг табылған. Солардың ішінде 60 келіге дейінгі салмақ дәрежесінде күрескен әзірбайжандық Виталий Рагимов та бар болып шықты. Ол күміс медаль жеңіп алған еді. Ал қола жүдені Теңізбаев алған. Сөйтіп, әзірбайжандықтың қанынан тыйым салынған заттар табылғандықтан, ол медальді қайтаруға міндеттелді.

© wrestling.kz