“Бәрі бітті деп ойладым“: өркешті кит қайықтағы адамды жұтып қойған

Чилиде өркешті кит ескекті қайықтағы адамды жұтып, бірнеше секундтан кейін қайта шығарып тастаған, - деп хабарлайды Tengritravel.kz тілшісі Sky News-ке сілтеме жасап.

Магеллан бұғазында, Чили жағалауына жақын маңда сирек кездесетін әрі қорқынышты оқиға болды: 24 жастағы Адриан Симанкас киттің аузына түсіп, бірақ бірден босап шықты. Оқиға бейнежазбаға түсіп қалған.

Әкесімен бірге ескекті қайықпен серуендеп жүрген Адриан Патагониядағы ең көрікті жерлердің бірі – Магеллан бұғазында болған. Кенеттен оның қасынан алып өркешті кит су бетіне шығып, бір секундтың ішінде оны қайғымен бірге жұтып қойған.

"Менің ойымда тек бір нәрсе болды – бәрі бітті, ол мені жеп қойды деген", – деп есіне алады Адриан.

Оқиғаның куәсі болған әкесі бұл сәтті видеоға түсіріп үлгерген.

Бақытқа орай, кит бірнеше секундтан кейін Адрианды қайта шығарып тастаған, ол су бетіне аман-есен шықты. Видео кадрларында әкесінің "Сабыр сақта, сабыр сақта" деп кеңес бергенін естуге болады.

Кейінірек Адриан китпен кездескеннен гөрі, оның салдары көбірек алаңдатқанын айтты.

"Мен әкемнің жағдайына алаңдадым, біз жағаға жете алмай қаламыз ба немесе қатты суықтап қаламын ба деп қорықтым", – деді ол.

Абырой болғанда, екеуі де аман-есен жағаға жеткен.

Саяхат қызықтары мен пайдалы ақпаратты Instagram және Facebook парақшаларынан оқи аласыз!